கவிஞர்.க.இந்திரசித்துவின் ஹைக்கூ கவிதைகள்

இன்று கவிஞர்.க.இந்திரசித்து, 

உடுமலைப்பேட்டை (கைபேசி எண்.9944319188)

அவர்களின் "செவ்வியை ஆகுமதி" குட்டி ஹைக்கூ கவிதை தொகுப்பிலிருந்து சில கவிதைகள் ;

(இந்த சிறு புத்தகம் விலை மதிப்பில்லாதது)

* இந்தக் குறியீடு

ஒன்று போதும் என்கிறாய்

என் தனிக்குறியீடு என்னாவது ?

* உள்ளொடுங்கி உள்ளொடுங்கி

எத்தனை நாட்கள் வாழ்வது

ஒதுங்கி நில்

* வரலாறு முழுவதும்

வர்க்கப் போரா ?

தொடர்ந்து படை நடத்து.

* இலக்கியம் படைக்க வந்தாய்

இலக்கியமாய் இரு

"இட்லராய்" இராதே

* சிறைச்சுவர்களும் சங்கிலிகளும்

தடுத்து நிற்கின்றன

தோழர்கள் வருவார்கள்

* இரக்கம் காட்ட இது

உணவுக்கலம் அன்று-

போர்க்களம்.

* இத்தனை நாள்

காத்திருந்த கப்பல் வந்தது

புறப்படத்தயக்கம்.

* தாய்மையே

தடையாகும் போது ...

தகர்

* வெட்ட வெட்டத்

துளிர்க்கிறதே வாழை

வாழும்வரை வாழும்

* இதயப் பலகையில்

எழுதி எழுதிச் செல்கிறேன்

மறுபடி மறுபடியும் ...

* விளம்பரம் -

ஆயிரம் வாய் கொண்ட நாய்

விழுங்காமல் விடாது

* இந்த மண்

மண்ணாவதே இல்லை

வீரனாக்கும்

* அருகம்புல்லையும்

அசைக்க முடியவில்லையே

பணத்தின் மீதல்லா படுத்துக்கிடக்கிறது

* எல்லாம் விற்பனைக்கே

எனினும்

இதயத்திற்கே முன்னுரிமை

* உடைமையே மனுவின் அறம்

உடைமையின்மையே 

மார்க்சிய வரம்

* தொடாத போதும்

தொடுகிறதே இந்தப்

புல்லாங்குழல் இசை ..

* வண்டைத் தாங்காத

மலரே

மலந்து மலர்ந்து மடியாதே ..